- Gaza freeمشرف قسم
- الجنس :
عدد المساهمات : 103
العمر : 28
،،،،،،،،،موت وميلاد ،،،،،،،،،،
الجمعة فبراير 22, 2013 6:46 am
يا حمامه ذا سلاميٍ بلّغيه
للقلوب الساهيه عالي المقام
والمدَى مهما ابتعد بك واصليه
طِيري وان خفتي المطر فوق الغمام
هذا دورك يا حمامه والعبيه
الفضاء جوّك ومثلك ما يضام
والجناح وان اشتكى لك ستّليه
داعبيه بشويش لا يجيه المنام
بصوتك المعهود غنّي واطربيه
والطرب ما خِلْق لغيرك يا حمام
اقطعي طول المسافه وداعبيه
ولا تزيدينه دخيلك بالملام
اذكري له هالامانه وذكّريه
المهمه والهدف وصل السلام
لا وصلتي ارض الغالي اللي نبيه
انزلي وحذراك من طيش السهام
رمية ٍ من رامي أو غرو ٍ سفيه
والاّ هاوي الصيد ما فيها كلام
انزلي على جبينه والثميه
قولي له لك من نديم ازكى سلام
ولا لثمتي راسه كفه قبّليه
وانسجي من عطر كفه لك لثام
قولي توقيعك من شاف اسمه عليه
يشهد الله عنده اغلا من الوسام
لك ورود الجوري في أحلا بوكيه
مع سلامي الحار يا مشرف غرام
وللغرام منّي سلام وكل اللي فيه
وللجميع اشواقي شوق المستهام
وقبل لا انهي القاف والتايه يتيه
صلّوا يا ربعي على خير الأنام
صلاحيات هذا المنتدى:
لاتستطيع الرد على المواضيع في هذا المنتدى