{{{ عيــدي النظــر }}}

السلام عليكم ورحمة الله وبركاته

إخواني أخواتي أساتذتي الأكارم إدارة ومشرفي وأعضاء هذا الصرح الشامخ يسعدني ويشرفني الإنضمام إليكم كعضو ٍ جديد وجد نفسه هنا ليطرح أولى مشاركاته بهذه الأبيات المتواضعة والتي أرجو أن ترقى إلى مستوى تطلعاتكم وأن تستشف منكم الرضى والقبول



لا تلعبي بالنار أخاف تكويك
ولا تحرقي قلبك بفعل الجهاله
ولا يغرك فعل هذي وهذيك
قلبك على فراقي يا صعب احتماله
ادري الهوى والشوق متمكن ٍ فيك
وادري هواي بقلبك مالك بداله
لالا تبيعي منهو بالقلب شاريك
اللي فداك بروحه وحاله وحلاله
يدمح خطاك والى زعلتي يراضيك
ولا ضاق صدرك يوم ٍ ما ارتاح باله
قلبه عليك ومن العتب دوم معفيك
لا جا يعاتبك قال ماهو مجاله
عيدي النظر في قرارك لا يودّيك
باقصى متاهات الشقا والظلاله
لا تندبي حظك في تالي لياليك
لامن فقد قلبك ربيعه ودلاله
تريّثي والفرصه للحين بيديك
طاري الهجر والبعد مالك وماله
لا فاتت الفرصه ماظنيت يمديك
قلبي وانا اعرفه لا نوّخ جماله
صعب الرجوع وصعب ٍ يتبع خطاويك
دروب الهوان والذل ماهيب فاله
أقولها لا النار يا زين تكويك
ولا تحرقي قلبك بفعل الجهاله

الله يعطيك العافيه روووووووووووووووووووووعه