نــــوح الحمـــام

©§¤°^°¤§©¤ جعلني فدوه لعيونكم ربعي¤©§¤°^°¤§©

ياحمام يزعج النـوح فـوق اغصـون راك
ما اكثر اللي لاسمعو (عذب) صوتك بادلوك
ياحمـام الـدوح بالله قلـي ويـش جـاك
أنت مثلي راحو احبـاب قلبـك وزعلـوك
او لقاك القانص اللي مـن البنـدق رمـاك
صارت الرميه بغيرك وطـرت وصوبـوك
يوم صحت ونحت نوحت مريض في دراك
من طرب والا من اللي على الفرقا حدوك
منت مثلي داجي الليل عتـم فـي سمـاك
هزك الغربي على الغصن ودقاق السلـوك
ولانت مثلي هم دونـك وهـم مـن وراك
ولانت مثلـي بالحمـول الثقيلـه حملـوك
اه ياقـلـب تـولـع بحـبـك يـامـلاك
من سببك اضلوع جسمي من الفرقا دكـوك
علـة بيـن الضمايـر شفاهـا مـن دواك
واحرقتني نار الاشـواق يمـك والشكـوك
الله اللي يوم سـواك مـن لطفـه عطـاك
وصورك لين العذارى من الزين احسـدوك
هلي الاشقر عسى اللي بـلا قلبـي بـلاك
وهلي القذله على حاجب العين الضحـوك
واطرقي بالرمش الاسود ومهلك في اخطاك
فيك مـن ريـم الجـوازي دلال ودللـوك
(ضاميٍ) ماهوب يسقي ضماي الا ضمـاك
هذا هـو طبـع المحبيـن ياخلـي هلـوك
ياهوى بالي تـرى البعـد ماغيـر هـواك
عندي اغلا من غلاوتك عند امـك وابـوك
ليت حظك يوم نادى علـى حظـي دعـاك
والتقى الحظين لو كان وسط الدرب شـوك
كود يبرد جاشي اللي يصـالا مـن عنـاك
حمفوق جمر السمر والا الغضي يوم ابعـدوك
طالت الايـام ياصـاح وانـا فـي رجـاك
اتلهـف لهفـت الوالديـن اللـي رجـوك
صار عندي شك في عهد حبـك مـن ولاك
والسبب ياترف الاقدام مـن نـاس ولـوك
غير لاتسرف بحالي علـى درب الهـلاك
الهوى عـذب شيـوخ القبايـل والملـوك
...... قصيده منقوله.....

بارك الله فيك